Maqedonia shijon ngritjen në listën e FIFA-s

Reprezentacioni i Maqedonisë në futboll ka bërë një ngritje të madhe në renditjen e fundit të FIFA-s, prej plot 18 pozitave. E gjithë kjo vjen pas barazimit 1:1 në Torino ndaj Italisë dhe fitores 4:0 ndaj Lihtenshtejnit në Strumicë, që tani më e kanë dërguar Maqedoninë në pozitën e 85-të.

Për dallim nga Maqedonia, Shqipëria ka shënuar rënie prej 5 vendesh, duke e lulur atë në pozitën e 71-të. Kjo rënie në renditjen e FIFA-s, për kombëtaren shqiptare vjen si pasojë e dy disfatave të fundit në ndeshjet eliminatore “Rusia 2018”, ndaj Spanjës dhe Italisë.

Nga përfaqësueset tjera që ishin pjesë e grupit “G” në eliminatoret e fundit për Botërorin “Rusi 2018”, Spanja renditet e 8-ta, Italia zë vendin e 15-të, Izraeli e 82-të, ndërsa Lihtenshtejni pozicionohet në vendin e 187-të.

Gjermania kryeson renditjen, para Brazilit dhe Portugalisë, ndërkohë në dhjetëshen e parë e përbëjnë edhe Argjentina, Belgjika, Polonia, Franca, Spanja, Kili dhe Peru. /Portalb.mk/

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP