Ostreni: Në Maqedoni nuk ka hapësirë për parlament dydhomësh

Në Maqedoni nuk ka hapësirë për parlament dydhomësh, ndërkaq paralajmërimet e tyre janë vetëm dëshirë për të ardhur deri në përplasje të reja dhe ti jepet arsyetim VMRO-DPMNE-ë dhe të tjerëve që të thonë se shqiptarët janë fajtorë për gjithçka në Maqedoni, porositi dje nga Dibra, lideri i partisë Uniteti, Gëzim Ostreni për gjatë kohës së mitingut të koalicionit “Aleanca për Shqiptarët – RDK”, njofton Portalb.mk.

Ostreni dërgoi kritika në adresë të kryetarit të partisë Aleanca për Shqiptarët, Zijadin Sela, i cili tha se “shtatë ditë përpara fillimit të fushatës zgjedhore, partia e tij Lëvizja për Reforma në PDSH, e cila ishte pjesë e koalicionit “Aleanca për Shqiptarët” e ka regjistruar si parti Aleanca për Shqiptarët, që më pas Sela të ofrojë program për parlament dydhomësh në Maqedoni”.

Ai vlerësoi se ndarjet në rrugën drejt BE-së janë të dëmshme dhe janë të kaluara, pasi që ata sjellin vetëm gjakderdhje mes popujve.

Kandidati për kryetar të komunës së Dibrës nga radhët e koalicionit UNITETI-RDK (Aleanca për Shqiptarët), Shkëlqim Xhafa, shpalosi platformën zgjedhore duke elaboruar para bashkëqytetarëve të tij se si planifikon ai dhe ekipi i tij t’i zgjidhë problemet e këtij qyteti nëse ata përkrahin të njëjtin. Xhafa ofroi zgjidhje për problemet infrastrukturore, sociale, ekologjike, për problemet e bujqve, të rinisë e tjerë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP