Kandidatët për kryetar të Qytetit të Shkupit nënshkruan deklaratë për “Platformën për ajër të pastër”
Gjashtë nga tetë kandidatët për kryetar të Qytetit të Shkupit sot e nënshkruan deklaratën për respektim të “Platformës për ajër të pastër” të Nismës civile Koalicioni O2 për ajër të pastër.
“Platforma për ajër të pastër” përmban pako të masave dhe kërkesave të cilat kryetari i ardhshëm i Shkupit do t’i ketë seriozisht parasysh dhe do të bëjë gjithçka është në fuqinë e tij për t’i realizuar në kuadër të mandatit të tij/saj.
Masat dhe kërkesat për Qytetin e Shkupit janë për ajër të pastër dhe mjedis të shëndetshëm në qytet.
Nevena Georgievska nga Koalicioni O2 për ajër të pastër shprehu kënaqësi sepse për kërkesat kanë marrë mbështetje nga kandidatët për kryetar të Qytetit të Shkupit.
Nga kandidatët për kryetar të Qytetit të Shkupit, siç theksoi, kërkojnë të obligohen ndaj kërkesave të tyre dhe njëherë e përgjithmonë ta shndërrojnë Shkupin në qytet bashkëkohor dhe të gjelbër.
Deklaratën për “Platformën për ajër të pastër” e nënshkruan Petre Shilegov nga LSDM, Koce Trajanovski nga VMRO-DPMNE, Gjorgji Todorov nga Lëvizja Popullore për Maqedoninë, Vanço Shehtanski nga TMRO, Nafie Selmani nga BESA dhe Maria Xhons nga E Majta. Në nënshkrim nuk morën pjesë Naim Bajrami nga Aleanca për Shqiptarët dhe Bekim Fazliu nga PDSH.
