Zeqirija Ibrahimi: I dënoj sulmet ndaj privatësisë sime

Kandidati i Lëvizjes BESA për Komunën e Çairit, dënon siç thotë ai sulmet e njëpasnjëshme ndaj privatësisë së tij, duke u përpjekur që t’ia thyejnë fjalëkalimet e e-mailit dhe Facebookut, njofton Portalb.mk.

“Tani më ka disa ditë që vazhdojnë nga qyqarët e shefave të kandidatit të LSDM-BDI-së për komunën Çair, të cilët në mënyrë më tinëzarë, të ulët dhe me sulme nga më çnjerëzoret mundohen që e-mailin dhe facebook-un tim personal, ta mbajmë nën kontroll duke shkelur çdo normë ligjore dhe juridike. Këto sulme, që herë vijnë nga kandidati në fjalë e herë edhe nga shefat e tij, flet për panikun dhe frikën që i kapluar ata, të cilët e ndjejnë humbjen e zgjedhjeve në Çair më 15 tetor dhe përgjegjësinë që duhet të japin për veprat e tyre denigruese”, thotë Ibrahimi.

Ibrahimi thotë se të gjitha rastet dhe cenimet ndaj privatësisë së tij – do t’i paraqit në organet kompetente dhe sektorin pranë MPB-së, më saktësisht në “Sektorin për kriminalitet kompjuterik dhe forenzikë digjitale”.

“Me këtë rast kërkoj nga gjitha organet kompetente, që sa më parë të shqyrtojnë rastin dhe kushdo qofshin autorët e këtyre sulmeve të dënohen sa më parë. Unë pres që drejtuesit e shtetit, më saktë pushteti aktual, që e mban veten “reformator” ta dëshmojë veten se sa është reformator, ndërsa i bëj thirrje edhe bashkësisë ndërkombëtare në Maqedoni që ta evidentojë këtë rast dhe ta ketë parasysh kur këta njerëz të paskrupullt u vardisen nëpër zyrat e tyre. Këtu nuk është në pyetje personi Zeqirija Ibrahimi, madje as lëvizja BESA, por kështu po rrezikohet privatësia e qytetarëve dhe po standardizohet shantazhi”, tha Ibrahimi.

Ndryshe, disa portale kanë publikuar disa fotografi duke pretenduar se janë e-maila të marra nga e-maili i Ibrahimit.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI MOBIL