Koreja e Veriut: Trump ndezi fitilin e luftës

Donald Trump ndezi “fitilin e luftës” me Korenë e Veriut, i tha agjensisë shtetërore ruse të lajmeve TASS ministri i Jashtëm koreano-verior, njofton Top Channel.

Me deklaratën e tij të papërgjegjshme dhe luftëndjellëse në arenën e Kombeve të Bashkuara, Trump e ngacmoi situatën dhe ne duhet ta zgjidhim përfundimisht këtë punë, jo me fjalë, por me zjarrin e armëve, citohet të ketë thënë Ri Yong Ho.

Gjatë fjalimit në Asamblenë e OKB-së muajin e kaluar, Presidenti amerikan kërcënoi ta shkatërronte vendin komunist e u tall me liderin e tij Kim Jong-un, të cilin e quante “njeriu raketë”. Ri, i cili e përshkroi asokohe shefin e Shtëpisë së Bardhë si të luajtur mendsh, pohoi për TASS atë që duket se është bindja e plotë e lidershipit koreano-verior. Vendi i tij po fiton dhe në thelb përbën një kundërpeshë me vlerë ndaj Shteteve të Bashkuara.

“Amerika, shteti agresor, nuk do të dalë nga e gjithë kjo e pandëshkuar”, ishte komenti i ministrit. Deklarata e tij pason javë të tëra përshkallëzimi të tensioneve mes dy vendeve, të nxitura nga testet e vazhdueshme bërthamore të Penianit dhe gjuha e ashpër dhe fyese e Trumpit.

Një ditë më parë, ai shkaktoi sërish polemika me kërcënimin t’i heqë licensën “NBC News” dhe disa rrjeteve të tjera mediatike pas raportimeve të tyre të pafavorshme. NBC-ja ishte ajo që e ktheu në yll me programin e tij “The Apprentice”, por tani është në shënjestrën e Presidentit pas njoftimit se ai po kërkon të shtojë arsenalin bërthamor të Shteteve të Bashkuara. Trump i cilësoi të tilla raporte “lajme të rreme” dhe “fantazi e pastër”.

NBC-ja e acaroi Shtëpinë e Bardhë edhe javën e kaluar, kur tha se Sekretari i Shtetit, Rex Tillerson e kishte quajtur Trumpin “hajvan”.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP