Dimitrov në takim të Këshillit të përhershëm të OSBE-së

Maqedonia është fuqimisht e vendosur ta shfrytëzojë mundësinë e re për etablimin përfundimtar të shtetit në familjen e shoqërive të zhvilluara demokratike, theksoi ministri i Punëve të Jashtme, Nikolla Dimitrov në fjalimin e sotëm para përfaqësuesve të përhershëm të vendeve pjesëmarrëse në OSBE në suaza të sesionit të Këshillit të përhershëm të Organizatës.

Siç kumtoi MPJ-ja, në suaza të fjalimit të tij Dimitrov e prezantoi optimizmin, i cili mbisundon në shoqërinë e Maqedonisë pas krizës së gjatë, por edhe pritjet e rritura të qytetarëve si nga Qeveria e re, ashtu edhe nga bashkësia ndërkombëtare në drejtim të realizimit të shumë pritur të aspiratave për integrim evropian dhe euroatlantik.

Me këtë rast, shtohet, ministri e prezantoi agjendën reformuese të përmbajtur në Planin e Qeverisë 3-6-9, duke theksuar se realizimi  i planeve ambicioze nuk do të paraqet hap të lehtë, sepse asnjë ambicie e madhe dhe thelbësore pozitive nuk është e lehtë. U përqendrua në fushat e përfshira me reformat në sferat e posaçme si: sundimi i së drejtës, sistemi zgjedhor, institucione të fuqishme e profesionale, zhvillimin e mekanizmave të shëndosha të kontrollit, posaçërisht gjyqësi të pavarur dhe lirinë e meidave.

Gjithashtu, shtohet, shefi i diplomacisë dha sqarim edhe për vizionin e ri të rregullimit të marrëdhënieve me fqinjët dhe nevojën për zhvillimin e miqësisë dhe mirëkuptimit të ndërsjellë.

Ministri Nikolla Dimitrov, theksohet, gjatë vizitës së punës në OSBE, realizoi takim edhe me sekretarin e përgjithshëm të Organizatës Tomas Grmeinger, takim të shkurtër me Përfaqësuesin e posaçëm të OSBE-së për lirinë e mediave Harlem Dezir, me ç’rast u këmbyen mendime për aktivitetet e ardhshme dhe bashkëpunimin e ndërsjellë dhe mbështetjen për angazhimet reformuese të Qeverisë.

Në suaza të qëndrimit të punës në Vjenë, ministri u takua edhe me sekretarin e përgjithshëm të MPJ-së së Republikës së Austrisë, Mihail Linhart me të cilin biseduan për shumë çështje në interes të të dyja vendeve.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP