May bisedë telefonike me Trump

Kryeministrja e Britanisë së Madhe, Theresa May dhe presidenti i SHBA-ve Donald Trump kanë zhvilluar një bisedë telefonike, transmeton Anadolu Agency (AA).

Në një deklaratë nga Kryeministria e Britanisë thuhet se May dhe Trump në bisedën e tyre kanë diskutuar mbi marrëveshjen bërthamore me Iranin, rritjen e taksës së eksportit që SHBA-të kanë zbatuar ndaj kompanisë Bombardier dhe sulmin në Las Vegas.

Më tej u njoftua se May ka shprehur vendosmërinë e saj për mbrojtjen e marrëveshjes bërthamore me Iranin ndërsa vëzhgimi i afërt dhe zbatimi i kësaj marrëveshjeje është jashtëzakonisht i rëndësishëm.

Gjithashtu në deklaratë u theksua se Britania e Madhe, SHBA-të dhe partnerët e tjerë në rajon duhet të luftojnë së bashku kundër aktiviteteve të Iranit që prishin stabilitetin në rajon.

Të dy liderët kanë vlerësuar rritjen e taksave që SHBA-ja ka vendosur për importin që do të bëjë kompania kanadeze Bombardier dhe kanë sjellë në rendin e ditës ndikimin që kjo rritje ka në punësimin në kompleksin në Irlandën e Veriut.

Ndërkohë, kryeministrja May në bisedën e saj telefonike i ka përcjellë presidentit Trump edhe njëherë mesazhin e saj të keqardhjes dhe ngushëllimit për sulmin në Las Vegas.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP