Zv.ministri Makraduli: Fabrika “Jugohrom” mund të ri-fillojë punën në faza
Fabrika “Jugohrom” mund të ri-fillojë punën në faza dhe vetëm pas përmbushjes së standardeve ekologjike, pas vendosjes së filtrave adekuate dhe të plotësojë kushtet ekologjike. Këtë sot e tha, zëvendës ministri i mjedisit jetësor dhe planifikimit hapësinor, Jani Makraduli para fillimit të debatit publik “Mos ia lë tjetrit, eja për ajër të pastër”, njofton Portalb.mk.
“Mbyllja e “Jugohromit” si që tha edhe kryeministri Zaev është bërë shkaku se drejtoria e kësaj fabrike ishte viktimë e trysnive dhe shantazheve të qeverisë së kaluar” tha shkurt Makraduli. Ai tha se Qeveria ka formuar grup punues ndër-sektorial që merret me problemin e ndotjes së ajrit.
Ndryshe, ri-hapja e fabrikës u paralajmërua nga kryeministri i Maqedonisë, Zoran Zaev ndërsa pas nënshkrimit të marrëveshjes me pronarët e saj të enjten, pritet të ndodhë në mars apo prill të 2018-tës, njofton Portalb.mk. Në këtë reagoi ashpër lëvija Eco Guerilla si dhe Nëna dhe Fëmija, lëvizje që kanë qenë pjesë e protestave kundër ndotjes së ajrit në Tetovë, gjë që u vërtetua se në masë të madhe ishte nga puna pa filtra e kësaj fabrike.
“Nevojiten dy vite për instalim të filtrave dhe jo disa muaj andaj çdo nënshkrim i marrëveshjes mes Qeverisë dhe pronarë të fabrikës “Jugohrom” do të hasë në kundërshtim të ashpër.” shprehen këto lëvizje.
LEXO MË TEPËR:
