Maqedonia nuk u dorëzua para italianëve

Reprezentacioni i Maqedonisë ka arritur të merr një pikë të madhe në fushën e Torinos, ku është përballur me Italinë, ndeshje kjo në kuadër të Grupit G të kualifikimeve për në Botërorin “Rusi 2018”.

Pjesa e parë u takoi italianëve që me shumë ishte shumë dinamike dhe kishte dy raste përmes Insinjes dhe më pas kur mbrojtësi i Juventusit, Kielini shfrytëzojë asistimin e Imobiles për të shënuar golin e vetëm për Italinë për rezultat 1:0, me të cilat shifra edhe u shkua në pushim.
Në pjesën e dytë Maqedonia u hodh në sulm për të kërkuar golin e barazimit, i cili erdhi në minutën e 77-të. Pandevi ishte asistues për Trajkovskin i cili sapo i kishte bërë minutat e para në këtë ndeshje, duke zëvendësuar Ferhan Hasanin dhe barazoi shifrat në 1:1.

Pas barazimit Italia kaloi përsëri në sulm, por nuk mundi të gjejë mënyrën për të mposhtur mbrojtjen e Maqedonisë. Në Grupin G pozita e parë është e rezervuar për Spanjën, e cila siguron kualifikimin në Botërorin në Rusi, ndërsa Italia do të përgatitet për sfidat e balotazhit në muajin nëntor.

Edhe përkundër disfatës nga Spanja, Shqipëria mbetet e treta, ndërsa një pikë më pak në pozitën e katërt është Izraeli, Maqedonia është e pesta, ndërsa pozita e fundit është për Lihteshtajnin. Ndeshjen e radhës Maqedonia e luan me 9 tetor kundër Lihetshtajnit në Strumicë. /Portalb.mk/

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP