BPRM lëshoi në qarkullim katër monedha të reja për qëllime koleksioni

Banka Popullore e Republikës së Maqedonisë lëshoi dhe vuri në qarkullim katër monedha të reja për qëllime koleksioni. Bëhet fjalë për monedhat “Viti i qenit – viti i pasur i qenit”, “Viti i qenit – vit i sigurt i qenit”, “Labirinti rus” dhe “50 vjet nga Akademiа e Shkencës dhe Arteve të Maqedonisë”.

Në pjesën e përparme, të monedhës “Viti i qenit – viti i sigurt i qenit” në qendër të monedhës janë prezantuar stema e Republikës së Maqedonisë dhe viti i lëshimit të monedhës “2018”.

Këto monedha janë punuar nga argjendi Ag925, me peshë prej 28.28 g, pastërti të argjendit prej 26.16 g dhe një formë rrethore me një dimension 38.61 mm.

Çmimi i monedhave “Viti i qenit – viti i pasur i qenit” dhe “Viti i qenit – viti i sigurt i qenit” është 3.200,00 denarë.

Monedha e “Labirintit rus” në pjesën e përparme në pjesën qendrore është shfaqur labirinti me dy birra në monedhë. Në pjesën e sipërme të është vendosur stema e Republikës së Maqedonisë, ndërsa nën stemën, viti i lëshimit 2017.

Kjo monedhë është punuar prej argjendit Ag925, me peshë 50,45 g, pastërti argjendi prej 46,67 g dhe një formë rrethore me dimension 47,00 mm. Çmimi i monedhës “Labirinti rus” është 4.300,00 denarë.

Në monedha “50 vjet nga Akademia e Shkencave dhe Arteve të Maqedonisë” në pjesën e përparme të monedhës paraqitet stema e Republikës së Maqedonisë dhe mbishkrimi “Republika e Maqedonisë” në gjuhën maqedonase.

Monedha është punuar prej argjendit Ag925, me peshë 28.28 g, pastërti argjendi prej 26.16 g dhe në formë rrethore me dimension 38.61 mm, me çmim 2.500,00 denarë.

Çmimi i monedhës “50 vjet nga Akademia e Shkencave dhe Arteve të Maqedonisë” është 2.500,00 denarë.

Monedhat për qëllime koleksioni të lëshuara nga Banka Popullore janë mjet ligjorë për pagesë në Republikën e Maqedonisë.