Shapuriq dhe Martens biseduan për avancimin e bashkëpunimit ekonomik mes Maqedonisë dhe Gjermanisë

Avancimi i bashkëpunimit edhe ashtu të mirë mes Maqedonisë dhe Gjermanisë ishte temë bisedimi në takimin e djeshëm të punës mes ministrit për rregullativë për përmirësim të klimës investuese për ndërmarrjet vendore, Zoran Shapuriq dhe drejtorit të Delegacionit të ekonomisë gjermane në Maqedoni, Patrik Martens.

Drejtori i Delegacionit të ekonomisë gjermane Martens, informojnë nga Kabineti i ministrit Shapuriq, e njoftoi ministrin me përgatitjet e Delegacionit për vendosjen e pilot projektit për edukimin e personelit teknik të punësuar në fabrika vendore dhe në fabrikat e investuesve të huaj, me theks të posaçëm në mirëmbajtjen e pajisjes së sofistikuar dhe makinave të sofistikuara, që do të kontribuonte drejt uljes së kuadrit deficitar profesionist në shtet.

Martens, e paraqiti edhe përcaktimin e delegacionit për bartjen e përvojave gjermane të cilat në të ardhmen do të shfrytëzoheshin në sistemin arsimor të Maqedonisë, si dhe për planet e tyre për promovimin e Republikës së Maqedonisë si vend i volitshëm për investim dhe potencialin eksportues të shtetit.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP