Shqiptari i “Mother”, Gent Bejko në filmin e Aronovsky
Pjesëmarrja e aktorit Gent Bejko në radhën e tretë të aktorëve në produksionin e filmit “Mother” të Darren Arronovsky-it është dukshëm një sukses në karrierën e tij edhe për të ardhmen,që mbase do ta çojë atë shumë shpejt në radhën e parë ose të dytë në produksionet e Hollywoodit, transmeton Top Channel.
“Ai ka edhe një specifikë të veçantë. Në gjithë krijimtarinë e tij ai është shoqëruar me vepra të cilat personazhet zhvillohen në mënyrë të tillë që ato shkojnë në limitet e tyre. Thuhet që filmi “Mother” futet tek xhevahirët e krijimtarisë kinematografike për këtë vit. Kasti është i një niveli të jashtëzakonshëm. Duke filluar me Jennifer Lawrence, Javier Bardem, Ed e Michelle Pfeiffer”, shprehet producenti Genc Përmeti.
Për shkak të agonisë apo ekstazës shumë njerëz janë çuar nga sallat e kinemasë, e kritika ka qenë e ashpër sidomos me skenën e kanibalizmit të përdorur në të.
Por fakt ngelet që “Mother” pavarësisht se kontrovers është një film që nuk duhet humbur. Dhe që premiera e tij në Venecia, është një pararendëse shumë e mirë në rrugën drejt OSCARS.