Si do të zgjerohet bulevardi Braqa Gjinovci dhe kthehet tregu i gjelbër në Gostivar?! (VIDEO)

Problemet e shumta urbanistike në Gostivar që fillojnë nga bulevardi Braqa Gjinovci, nga ndërtimet pa leje, tregu i gjelbert privat, qiratë e larta në këtë treg që përfundojnë me prishjen e shtratit të Lumit Vardar dhe rrugët e prishura janë probleme që do të zgjidhen më së voni deri në vitin e dytë të mandatit të kryetarit të ri të Gostivarit. Kjo u premtua në #Debatpernime nga kandiatët për kryetar komune në Gostivar, Arben Taravari (ASH), Asaf Ademi (BESA), Nevzat Bejta (BDI), Sabajdin Izairi (PDSH) dhe Shpat Iseini (KASH), shkruan Portalb.mk.

LEXO: #Depatpërnime, përfundimisht zgjidhje për deponinë Rusino në afërsi të Gostivarit 
LEXO: #Debatpernime, ja çfarë është prioritet për kryetarin e ardhshëm të Gostivarit
LEXO: #Debatpernime solli premtime të shumta për gostivarasit (VIDEO)
LEXO: Si do të zgjerohet bulevardi Braqa Gjinovci dhe kthehet tregu i gjelbër në Gostivar?!
L
EXO: Brenda një viti në Gostivar do të ndërtohen 7 çerdhe

“Në mandatin tim të ardhshëm bulevardi i cili ka ndërtesa përreth do të zgjerohet”, premtoi Nevzat Bejta nga BDI.

Ndërkaq Asaf Ademi i BESA-s tha se: “Do të bëhet shpronësimi i objekteve përreth duke identifikuar parcelën shtetërore dhe nëpërmjet partneriteti publiko-privat do të realizohet gjatë mandatit tonë”, tha ai.

Kurse kandidati i PDSH-së, Sabajdin Izairi premtoi se: “Unë do ta zgjidh problemin me bulevardin Braqa Gjinovci pavarësisht se objektet përreth që e ngushtojnë atë bulevard a janë apo jo në pronësi të ndonjë familjari”, sepse siç tha ai, “lidhjet e ngushta partiake të BDI-së me pronaret e këtyre objekteve janë arsyet se pse nuk janë rrëzuar ndërtesat që e ngushtojnë bulevardin në fjalë”, tha Izairi.

Ndërkaq kandidati i ASH-së, Arben Taravari nuk premtoi për bulevardin Braqa Gjinovci kurse për shtratin e Lumit Vardar tha se: “Ai do të rregullohet dhe rreth tij do të ndërtohet një korsi me biçikleta”.

Kurse kandidati i KASH-it, Shpat Iseini tha se: “Tashmë kemi kontratë e cila është barë me qytetarët për heqjen e parkingut zonal, parking ky që ka bllokuar edhe penguar zgjerimin e bulevardit në fjalë”. Kurse sa i përket shtratit të Lumit Vardar, Iseini premtoi se ai do të bëhet brenda 100 ditëve të mandatit të tij.

Kurse për tregun e gjelbër që tashmë është në pronësi private, Iseini i KASH-it premtoi se “kthimi i tregut në pronësi të komunës do të bëhet brenda vitit të parë të mandatit tim”.

Për të, Izairi i PDSH-së tha se ai do të “rregullohet pas gjashtë muajve marrje mandati”.

Kurse Bejta i BDI-së premtoi se “tregu i gjelbër do të jetë gati brenda 6 muajve”.

Për Ademin e BESA-s, “tregu i gjelbër i Gostivarit do të jetë gati brenda vitit të dytë të mandatit të tyre”.

Kurse Taravari i ASH-së premtoi se: “tregu i gjelbër do të jetë gati brenda një viti”.

Përndryshe, këto premtime u dhanë sonte në debatin “Jeta në Maqedoni” të udhëhequr nga moderatorja Jeta Xharra. Ky debat u realizua në partneritet të Portalb.mk, Vërtetmatës.mkKallxo.mk dhe TV Art Chanell.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI DESKTOP