Moti sot në Maqedoni

Moti sot në Maqedoni do të jetë i vrenjtur dhe i ndryshueshëm si dhe i  freskët me erë të moderuar e të fortë në veriperëndim të vendit, më e theksuar në pjesët lindore, njofton Portalb.mk.

Temperatura e mëngjesit do të lëvizë, ndërsa ajo e ditës do të jetë prej 10 deri 23 gradë.

Në Shkup do të mbajë mot i ngjashëm me vranësira të ndryshueshme dhe dukshëm më i freskët. Temperatura e mëngjesit do të ulet deri në shtatë, ndërsa ajo e ditës do të ngjitet deri në 20 gradë Celsius.

Gjatë fundjavës do të ketë stabilizim të përkohshëm me mëngjes të freskët dhe gjatë ditës më të ngrohtë. Një valë e re e lagësht pritet të hënën.