Maqedoni, mbështetje holandeze për reformat e BE-së

Sot, drejtori i përgjithshëm për bashkëpunim evropian në Ministrinë e Punëve të Jashtme të Mbretërisë së Holandës Matijs van der Plas i ka dhënë mbështetje holandeze për reformat e BE-së kryetarit të Komisionit për Çështje Evropiane të Kuvendit të Republikës së Maqedonisë, Artan Grubi, njofton Portalb.mk.

Në takim u këmbyen mendime dhe qëndrime për ngjarjet aktuale në Bashkimin Evropian, me fokus të veçantë në rastet evropiane nga aspekti i zgjerimit të mëtutjeshëm me vende të reja anëtare, para se gjithash me shtetet nga Ballkani Perëndimor.

“Kryetari i Komisionit Artan Grubi e theksoi mbështetjen e vazhdueshme holandeze për proceset integruese euroatlantike të Republikës së Maqedonisë, me çka theksoi se vendi punon në plotësimin e reformave të nevojshme të BE-së me qëllim që Bashkimit Evropian t’ia dërgojë të gjitha argumentet e nevojshme për largimin e rekomandimit të kushtëzuar në raportin e vjeshtës të Komisionit Evropian. Gjithashtu, shprehi falënderim për mbështetjen holandeze të vendit në më shumë sfera, për çka dëshmi është edhe ajo që në 20 vitet e fundit Holanda ka siguruar mbështetje financiare dhe teknike prej mbi 200 milion euro”, thuhet në njoftimin e Komisionit.

Në takim morën pjesë deputetët: Antonijo Milloshoski, Nikolla Popovski dhe Petar Atanasov.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP