Shekerinska-Krej: Maqedonia anëtare e NATO-s është qëllimi i përbashkët

Republika e Maqedonisë mbështetet në partnerët e saj strategjik posaçërisht në këto momente kur punojmë me përshpejtim në qëllimin tonë strategjik – anëtarësimin në NATO, tha sot ministrja e Mbrojtjes Radimila Shekerinska pas takimit me komandantin e Gardës Kombëtare të Vermontit gjeneral-majorin Stiven Krej, i cili gjendet për vizitë disaditore në Maqedoni.

“Maqedonia anëtare e NATO-s është qëllimi i përbashkët sepse u shërben të dy interesave të mëdha – rajonit stabil dhe qytetarë stabil dhe të sigurt të RM-së. NATO-ja është aleancë serioze, ndërsa anëtaret shtete serioze. Për këtë angazhimi ynë është serioz”, tha Shekerinska.

Sipas saj, përcaktimet strategjike nuk janë vetëm fjalë, por ata i tregojmë në vepër.

“Përcaktimi ynë për anëtarësimin e Maqedonisë në NATO e dëshmuam edhe përmes pjesëmarrjes tonë të përhershme në misionet ndërkombëtare, përfshirë edhe misionin në Afganistan të cilin e vazhdojmë dhe rrisim, ndërsa e shfaqëm edhe gjatë stërvitjes së përbashkët me Forcat Ushtarake Amerikane”, theksoi ministrja Shekerinska.

Theksoi se partneriteti strategjik është shfaqur edhe me vepra në SHBA, posaçërisht nga ana e Gardës Kombëtare të Vermontit, me ç’rast më shumë se 4.500 ushtarë të ARM-së kanë marrë pjesë në aktivitetet e përbashkëta me GK të Vermontit.

Sipas komandantit të GK të Vermontit, Krej, për të cilin kjo është vizita e gjashtë në Maqedoni, partneritetin strategjik që e kanë të dy shtetet ka rëndësi të madhe për armatat, gjegjësisht për përvojat e fituara pozitive.

Ai paralajmëroi se gjatë vizitës në ditët në vijim do të bisedojnë për aktivitetet të cilat do të ndërmerren gjatë viteve të ardhshme, për angazhimet e të dy armatave, për anëtarësimin e Maqedonisë në NATO.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP