Berisha reagon ndaj vendimit të KQZ-së për decertifikim

Zafir Berisha ka humbur mundësinë që të kandidojë për kreun e Prizrenit në zgjedhjet lokale të 22 tetorit.

Emri i tij së bashku me 85 kandidatë të tjerë ishin pjesë e listës e cila u decertifikua nga Komisioni Qendror i Zgjedhjeve. Kjo pasi ata janë të dënuar nga gjykata për vepra penale në tre vjetët e fundit.

Vetë Berisha, deputet i Nismës, ka reaguar për vendimin duke thënë se ky ishte vendim politik, ndërsa tani do ta ankohet në Gjykatën Kushtetuese.

“Faktikisht vendimi ishte puro politik i ndikuar nga bandat kriminale te cilat jam duke i luftuar, jam i njëjti person që me të njëjtin ligj jam zgjedh deputet i Kosovës. Atëherë nuk morën masa pasi u deshtë të largonin nga lista kriminalet që vodhën me miliona euro e që janë të njëjtit që kanë kapur shtetin. Do të ankohem në Gjykatën Kushtetues për shkeljen e të drejtës kushtetues për pjesëmarrjen në zgjedhje dhe të njëjtën do ta deponoj edhe PZAP”, ka thënë ai për KTV-në.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP