Hasina: Mianmari duhet t’i pranojë prapa të gjithë refugjatët rohinxhë

Kryeministrja e Bangladeshit, Sheik Hasina deklaroi sot se Mianmari duhet t’i pranojë prapa të gjithë, qindra mijë refugjatët, pjesëtarë të bashkësisë myslimane rohinxhë, të cilët arritën në territorin e Bangladeshit pas dhunës, që muajin e kaluar shpërthyen në provincën veriore Rakhajn të Mianmarit.

Hasina gjatë vizitës të një kampi të refugjatëve, kërkoi nga autoritetet e Jangonit situatën aktuale ta shohin nga ana e saj humanitare.

“Tani vuajnë njerëz të pafajshëm dhe kjo duhet të ndërpritet”, deklaroi kryeministrja e Bangladeshit.

Rreth 370.000 rohinxhë e kanë kaluar kufirin mes të dy vendeve fqinje, në tentim të shpëtojnë nga dhuna.

Ajo shtoi se Bangladeshi mund të ofrojë strehim derisa Mianmari nuk i pranon prapa.

Rohinxhët ikin nga Bangladeshi që prej viteve të shtatëdhjeta të shekullit 20, dhe vetëm në dy kampe refugjatësh në territorin e këtij vendi ka mbi 32.000 ithtarë të kësaj bashkësie myslimane.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP