Fassone i përgjigjet Raiolas, pas kritikave rreth projektit të Milanit

Marco Fassone i është përgjigjur akuzave të agjentit Mino Raiola për projektin e Milanit
Agjenti Mino Raiola kishte thënë se nuk beson në projektin e Milanit, duke insistuar se skuadra nuk do të kthehet në nivelet që ishte më parë.

Por, kësaj akuze i është përgjigjur CEO i Milanit, Marco Fassone, i cili tha se i vjen keq për fjalët që ka thënë Raiola.

“Më vjen keq që Raiola ka thënë gjëra të tilla. Ai është agjent i Donnarummas, Bonaventuras, Abates dhe i disa lojtarëve të rinj të Milanit”, tha fillimisht Fassone për Corriere dello Sport.

“E di që ai nuk beson në të ardhmen tonë, por unë i kam thënë se projekti ynë do të zhvillohet brenda katër ose pesë viteve. Pavarësisht investimeve, ai sërish nuk beson në ne, por jam i lumtur që këtë e bëri Donnarumma”.

Milan gjatë afatit kalimtar të verës transferoi 11 lojtarë, duke shpenzuar rreth 250 milionë euro.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI MOBIL