Ministri i Diasporës Ademi për vizitë në Kroaci

Ministri për Marrëdhëniet me Diasporën në Qeverinë e Republikës së Maqedonisë, Edmond Ademi, dje ishte për vizitë pune në Republikën e Kroacisë, ku në parlamentin e kroat realizoi takim me deputeten Ermina Lekaj Prlaskaj, kryetarin e Këshillit të pakicës kombëtare shqiptare në qytetin e Zagrebit, Shuip Zimberi si dhe me konsullin e nderit të RM-së në Zadar (Zare), njëherit kryetar i UO të BFI-së në Republikën e Kroacisë, Gzim Rexhepi.

Në këtë takim, siç citojnë nga kabineti i Ademit, u konstatua mbështetja e nikoqirëve për hapat e ndërmarra nga Qeveria e re e Republikës së Maqedonisë në sferën e Diasporës, qëndron në kumtesën e Kabinetit të ministrit të angazhuar për Diasporën .

Në Zyrën e shtetit për kroatët jashtë Republikës së Kroacisë, ministri Ademi realizoi takim me sekretarin shtetëror Zvonko Milas dhe me bashkëpunëtorët e tij, ku u diskutua rreth një strategjie kombëtare të cilën duhet ta përgatisë Qeveria e Republikës së Maqedonisë si dhe u theksua se në këtë segment nuk do të mungojë mbështetja nga ana e Republikës së Kroacisë.

Në këtë takim, shtohet në kumtesë ministri Ademi dhe sekretari shtetëror Milas konstatuan nevojën e një takimi të përbashkët qeveritare, me vend organizator Republikën e Maqedonisë.

Ministri Edmond Ademi gjatë qëndrimit në Kroaci realizoi edhe një takim të përbashkët dhe një konference për shtyp me kryetarin e komunës së Bjelovarit, Dario Hrabek, ku u prezantua edhe udhërrëfyesi i realizimit të nevojave të mërgatës si dhe institucionalizimi i saj ne Republikën e Maqedonisë. Gjithashtu, u bisedua dhe për mundësitë e dinamizimit të një bashkëpunimi tregtar mes dy vendeve.

Mes të tjerash, vizitën në Bjelovar, ministri Ademi e shfrytëzoi edhe për një takim me stafin e fabrikës për produktet e ëmbëlsirave Kestlin. 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP