3 frazat që nuk duhet t’ua thuash kurrë fëmijëve (dhe 3 alternativa në vend të tyre)

Në mes të një debati, pavarësisht nëse është me një fëmijë apo me adoleshent, ka disa fraza të cilat mund të mos jenë shumë të pranueshme për çdo bashkëbisedues. Ndoshta nuk e mban mend atë që thua në moment, por ai/ajo e mban mend, dhe ndonjëherë situata kthehet kundër teje, shkruan Revista Class.

Gjetja e një mënyre për të qetësuar tensionin e një bisede qëndron pikërisht te maturia e menaxhimit të debatit dhe te zgjedhja e fjalëve të duhura.

Sipas Psychology Today, tri frazat e mëposhtme nuk duhet të thuhen asnjëherë ndaj një fëmije. Në vend të tyre, ekzistojnë tri alternativa më të përshtatshme për të trajtuar sjelljen e tyre – pa shkaktuar tek ata ndjenjën e turpit, frikën ose fajin.

“Ti po më çmend”

Në vend që të përdorësh këtë frazë për të treguar fajtorin, për të motivuar një fëmijë, thuaj: “Nuk më pëlqen kjo sjellje”. Përpiqu t’u tregosh atyre pse një sjellje nuk është e mirë dhe shpjegoji hapat për ta ndryshuar atë. Ndihmoji fëmijët të kuptojnë se ajo që po bëjnë nuk është më e mira, por pa i lënë të ndihen plotësisht përgjegjës për gjendjen tënde mendore apo emocionale.

“Çfarë po ndodh me ty?”

Kjo është një frazë që i bën fëmijët t’u vijë zor nga vetja. Dhe ndërsa ata rriten, i bën që të dyshojnë në aftësitë apo mendimet e tyre. Në vend që të përdorësh fraza të tilla, përpiqu të flasësh në një formë tjetër: “Nuk më pëlqen kur ti…. “ Kjo do t’i bëjë ata të kuptojnë se aftësitë e tyre mund t’i përdorin më mirë. Dhe mund të ndryshojnë.

“Duhet ta bësh më mirë ___ ose diçka tjetër”

Kjo shprehje u fut frikën fëmijëve dhe i detyron ata të ndryshojë, i mëson të marrin atë që duan përmes frikës dhe agresionit. Një alternativë më e mirë që ata të mos i bëjnë gjërat me frikë është: “Kur ti ___, ndihem ___.” Kjo i jep fëmijës një shans për të ndryshuar sjelljen.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP