Haradinaj merr zyrtarisht drejtimin e Qeverisë së Kosovës

Kryeministri i Kosovës, Ramush Haradinaj, sot e ka marrë zyrtarisht drejtimin e Qeverisë së Kosovës.

Pranim-dorëzimi i detyrës është bërë në një ceremoni solemne nga ish- kryeministri, Isa Mustafa te kryeministri i ri i vendit Ramush Haradinaj.

Mustafa me këtë rast i ka dorëzuar një përmbledhje të punës të cilën kabineti i tij i ka përfunduar gjatë kohës sa ishte në këtë detyrë.

Siç është bërë e ditur në njoftimin për media nga zyra e kryeministrit të Kosovës, Haradinaj, me rastin hyrjes në detyrë e pret sot në takim ambasadorin e Shteteve të Bashkuara të Amerikës, Greg Delavju, i cili njëherësh është takimi i parë si kryeministër.

Haradinaj është zgjedhur kryeministër me 61 vota gati tre muaj pas zgjedhjeve të 11 qershorit.

Kjo qeveri numëron gjithsej 21 ministri.

Lajme të ngjashme

Leave a Reply

Your email address will not be published. Required fields are marked *

Back to top button