AGK dënon gjuhën e përdorur ndaj gazetarëve nga deputeti Milaim Zeka
Asociacioni i Gazetarëve të Kosovës (AGK) e dënon gjuhën e përdorur nga ish-gazetari, tani deputeti i Kuvendit të Kosovës Milaim Zeka ndaj gazetarëve Parim Olluri dhe Vehbi Kajtazi nga Insjader, njofton Portalb.mk.
“Gjuha akuzuese e përdorur nga deputeti Milaim Zeka nuk përkon me punën dhe misionin që ka një deputet. AGK-ja konsideron se deputeti Zeka duhet të përfaqësojë dënjësisht interesin qytetarë e jo të shndërrtohet në akuzues të mediave dhe gazetarëve në vend”, thuhet në reagimin e AGK-së.
Nga ky Asociacion kërkojnë që deputeti në fjalë që t’i ndalojë akuzat ndaj ish-kolegëve gazetarë dhe të angazhohet në vendosjen e raporteve profesionale me ta.
