Zyrtare: emrat e kabinetit qeveritar të Haradinajt

Kuvendi i Kosovës është mbledhur pasditen e së shtunës për të votuar qeverinë e re që do të udhëhiqet nga Ramush Haradinaj.

Në fjalën e tij, Haradinaj ka prezantuar prioritetet e kabinetit të tij, që do të jenë: forcimi i rendit dhe ligjit, anëtarësimi në NATO, integrimi, dialogu me Serbinë.

“Kosova sot rrezikohet nga rreziqe të reja e të vjetra, ndaj asaj i duhet së pari siguri e brendshme, forcim i rendit dhe shtetit ligjor. Vetë Kosova do të ndihet e sigurtë vetëm me anëtarësimin në NATO dhe ne do të punojmë për ta çuar drejt NATO-s. Anëtarësimi në organizmat ndërkombëtare është vështirësuar, por ne do të punojmë edhe për këtë. Ne do punojmë në kohë rekord për implementimin e MSA-së dhe do të marrim statusin e vendit kandidat”, tha Haradinaj duke shtuar se kjo qeveri do të forcojë miqësinë me Shtetet e Bashkuara.

Lidhur me dialogun me Serbinë, Haradinaj tha se nuk ka alternativë tjetër dhe ka premtuar se do të jetë kryeministri i të gjithëve, përfshirë pakicat, Haradinaj u është drejtuar atyre në sërbisht.

Fjalimi i kreut të AAK-së është pasuar nga ai i përfaqësuesit të Vetëvendosjes, Glauk Konjufca, i cili ka kërkuar një mocion të menjëhershëm për votimin e qeverisë.

“Programi i qeverisë ishte i shkurtër sepse ishte i varfër. E meqenëse është kështu dhe mësuam emrat, propozoj që le të dalë qeveria Haradinaj në votë, tani dhe këtu. Ne kërkojmë një mocion”, ka thënë Konjufca.

Nga LDK, deputeti Avdullah Hoti ka mbështetur nismën e Vetëvendosjes, por në mungesë të deputetëve të Listës Serbe, drejtuesi i seancës Kadri Veseli ka vazhduar seancën me debat dhe më pas me një ndërprerje 15 minutëshe.

Kabineti i Haradinaj:

Kryeministër: Ramush Haradinaj

Zv.kryeministër i parë: Behgjet Pacolli

Zv.kryeministër: Enver Hoxhaj

Zv.kryeministër: Fatmir Limaj

Zv.kryeministër: Dardan Gashi

Kabineti i ministrave

Ministër i FSK-së: Rustem Berisha

Ministër i Financave: Bedri Hamza

Ministër i Shëndetësisë: Uran Ismaili

Ministre e Integrimit: Dhurata Hoxha

Ministër i Punës dhe Mirëqënies: Skënder Çiça

Ministër i Tregtisë: Bajram Hasani

Ministër i Jashtëm: Behgjet Pacolli

Ministre e Mjedisit: Albera Reshitja

Ministër i Diasporës: Dardan Gashi

Ministër për Administratën: Ivan Teodosjeviç.

2 thoughts on “Zyrtare: emrat e kabinetit qeveritar të Haradinajt

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP