Shkup, humbi jetën një person nga zjarri që ka shpërthyer në banesë

Një person është gjetur i vdekur gjatë intervenimit të ekipit të Brigadës për mbrojtje kundër zjarrit, në një banesë në bulevardin “Jane Sandanski” në Shkup, mbrëmë rreth orës 3, ku për shkaqe të panjohura deri më tani ka shpërthyer zjarr.

Siç kumtoi MPB, ekipi në banesë e ka gjetur të vdekur N.N. (23), ndërsa vdekja është konstatuar nga mjeku i Ndihmës mjekësore urgjente.

Me urdhrin e Prokurorit publik, trupi i personit të vdekur është dorëzuar për obduksion. Ekspertizë do të bëhet gjatë ditës së nesërme.