Propozohet arrest për djalin i cili e vrau babain në Cërniçe, ish-funksionarin e VMRO-së

Prokuroria Publike Themelore Shkup sonte kumtoi se është dorëzuar propozimi për përcaktimin e masës së arrestit për djalin i cili për vdekje e plagosi babain e tij në një debat familjar që ndodhi dje në lagjen Cërniçe të Shkupit.

“Prokurori kompetent vlerësoi se janë plotësuar të gjitha bazat ligjore për propozimin edhe atë ekzistimin e kushteve për arrati të të dyshuarit, për ndikim ndaj dëshmitarëve, ndërsa është përcaktuar edhe rreziku për përsëritjen e veprës veçanërisht që i dyshuari ka dërguar kanosje verbale ndaj një personi tjetër”, thuhet në kumtesën e PPTH.

LEXO: Ish-funksionari i VMRO-DPMNE-së, goditet me thikë për vdekje nga biri

Vrasja ka ndodhur mbrëmë në orën 22 në lagjen Cërniçe kur djali 41-vjeçar pa kurrfarë arsye e ka sulmuar me thikë dhe e ka plagosur për vdekje babain e tij ndërsa ka kërcënuar edhe nënën e tij. Pas sulmit ai është arratisur. Për shkak se është vetë lënduar i dyshuari më vonë është paraqitur në një institucion mjekësor për ndihmë, prej ku është privuar nga liria.

 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP