LSDM: Ligji për përdorimin e gjuhëve nuk është jokushtetues

 Ligji për përdorimin e gjuhëve nuk është jokushtetues, por është në pajtim me nenin V të Kushtetutës së Republikës së Maqedonisë dhe i njëjti e avancon përdorimin e të gjitha gjuhëve të komuniteteve jo shumicë dhe hap mundësi për ndërtimin e një shoqërie për të gjithë, thekson LSDM në reagimin me shkrim  ndaj deklaratës së liderit të VMRO-DPMNE të dhënë në Kumanovë.

“Nikolla Gruevski dhe VMRO-DPMNE sërish e manipulojnë opinionin me qëlim të tentojnë të krijojnë ndarje të reja artificiale. Gruevski si duket mbetet i robëruar në politikat personale të ndarjes, konflikteve dhe izolimit të qytetarëve dhe shtetit”, thuhet në reagim.

Nga LSDM theksojnë se për dallim nga lënia pas dore e gjuhës maqedonase shumë vite nga ana e VMRO-DPMNE-së, Qeveria e kryesuar nga LSDM në mënyrë sistematike e avancon përdorimin e gjuhës maqedonase.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP