Drenoc, banorët kundërshtojnë iniciativën e Komunës

Dhjetëra banorë të lagjes Drenoc të Tetovës janë përplasur me inspektorët e komunës, të cilët bashkë me ekipet punuese kanë filluar hapjen e një rruge plotësuese që lidh këtë lagje me qytetin, njofton Alsat-m. Banorët thonë se komuna tenton të ndërtojë në prona private diçka që është e panevojshme.

“Kjo është bë për neve, ne privatisht i kemi paguajt pllakat ujin kanalizimin, ata e kanë rrugën ka tullana po kanë ardhë këndej. Këtu mos vinë të ndërtojnë asgjë këtu s’ka çka punon se janë prona tonat private”, tha një banor.

Nga komuna e Tetovës thonë se rruga hapet për të mirën e banorëve, ndërsa për pronat private, paralajmëruan bisedime për eksproprijimin e të njëjtave.

“Aty bëhet hapje e një rruge në interes të qytetarëve dhe natyrisht në këto raste paraqiten edhe qytetarë që nuk janë të kënaqur por gjitha këto konteste do zgjidhen në bazë të procedurave ligjore”, u shpreh Hysen Demiri, shef i sektorit për komunikacion dhe tokë ndërtimore.

Banorët thonë se me anë të protestave do të pengojnë autoritetet lokale që të ndërtojnë këtë rrugë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP