Çfarë po ndodhë në Kosovë: 72 aborte për 7 muaj vetëm në QKUK

72 abortime kanë ndodhur në Klinikën Gjinekologjike në QKUK në Prishtinë për 7 muaj të këtij viti. Këto janë shifra të vetëm kësaj klinike.

E mjekët në këtë qendër prapa kamerave pohojnë që numër të madh të aborteve ka në klinika private, për arsye të ndryshme. Ani pse statistika nga këto klinika private nuk ka, Jakup Ismaili, mjek në Klinikën e Gjinekologjisë, thotë se për dallim nga vitet paraprake, këtë vit ka më pak raste të abortit.

Megjithatë, ky numër do të jetë edhe shumë më i madh nëse kemi parasysh se një pjesë e konsiderueshme e aborteve ndodhin në ambulancat private e që nuk regjistrohen si numër askund. Tek privatët zakonisht abortojnë vajzat e pamartuara e që aksidentalisht kanë mbetur shtatzëna.

E sipas mjek Ismailit, abortet ndodhin si pasojë e shkaqeve ekonomike dhe nuk ka dallime në shifra sa i përket rajoneve. Edhe pse sipas ligjit – çdo femër mbi moshën 18 vjeçare ka të drejtë të vendos mbi ndërprerjen e shtatzënisë, gjinekologët vlerësojnë se një veprim i tillë është vrasje. Lidhur me këtë flet edhe sociologu Leutrim Sahiti, i cili thotë se numri i aborteve nuk është i saktë sepse shumica e tyre ndodhin në klinika private.

Sociologët vlerësojnë se gratë që abortojnë shpeshherë si pasojë e një veprimi të tillë, mund të jenë të diskriminuara.

Lajme të ngjashme

Leave a Reply

Your email address will not be published. Required fields are marked *

Back to top button