Shpërthim para stadiumit në Idlib të Sirisë, 6 të vdekur

Së paku gjashtë persona kanë humbur jetën, ndërsa një është plagosur gjatë një shpërthimi të fuqishëm i cili sot ndodhi në afërsi të një stadium në qendër të qytetit sirian Idlib, raporton Anadolu Agency (AA).

Shefi i mbrojtjes civile në Idlib (Helmetat e Bardha), Muhammed Haj Yusuf, për AA tha se në qendër të Idlibit sot shpërthyen bomba dhe se sipas informacioneve të para, kanë humbur jetën së paku gjashtë persona, ndërsa një i plagosur është në rrezik jete.

“Pas shpërthimit ka rënë zjarr të cilin e fikën ekipe të mbrojtjes civile dhe banorët”, tha Yusuf.

Duke theksuar se ende nuk dihet se për çfarë lloji të shpërthimit bëhet fjalë, Yusuf tha se hetimet janë në vazhdim.