E gjithë bota tallet me këpucët e Melanias gjatë vizitës në Texas-in e përmbytur #VIDEO

Donald dhe Melania Trump janë nisur të vizitojnë Texas-in e goditur nga një uragan me pasoja tragjike. Në këtë katastrofë natyrore forca të shumta janë mobilizuar, por ende banorët janë në rrezik.

Nisja e Donald dhe Melania Trump për në Texas është ajo që pritet nga presidenti në kohë krize, por veshja e Melania-s është krejtësisht e papërshtatshme.

Ndërsa Presidenti ka veshur një palë këpucë sportive, me xhaketë kundër shiut, duke iu përshtatur kushteve klimatike në Texas, por edhe duke qëndruar i thjeshtë ndërsa populli i tij po përballet me këtë katastrofë të dhimbshme për disa familje dhe kërcënuese për të tjera, bashkëshortja shihet e veshur me një palë këpucë me majë dhe takë të hollë.

Pjesa tjetër e veshjes mund të konsiderohet e pranueshme, bluzë dhe pantallona të zeza dhe një xhaketë bomber, duke e mbyllur me syze aviator, por këpucët me taka të holla janë krejtësisht të papërshtatshme për një vend të prekur nga uragani. Ose ndoshta ka menduar që i duhet pak lartësi në një tokë të përmbytur…

Megjithatë kjo është një zhvendosje e kotë e vëmendjes, kur mendimet duhet të jenë të gjitha te vuajtja e banorëve të Texas-it që po përballen me pasojat e rreshjeve dhe uraganit Harvey.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP