LSDM: Kryetarët e dënuar të VMRO-DPMNE-së, dëshmi për qeverisje të korruptuar

Dënimet e parashtruara ndaj kryetarëve komunal të VMRO-DPMNE-së janë dëshmi për qeverisjen e korruptuar të VMRO-DPMNE-së. Kështu vlerësoi Lidhja Social Demokrate e Maqedonisë nëpërmjet kumtesës së sotme, njofton Portalb.mk.

“Dënimet kundër kryetarëve të VMRO-DPMNE-së, Marjan Risteski dhe Aleksandar Panov janë dëshmitë e para institucionale të vërtetuara për qeverisjen dhjetë vjeçare të korruptuar, kriminale dhe dëmtuese të VMRO-DPMNE-së në çdo nivel të pushtetit”, thonë nga LSDM.

Në lidhje me këtë nga LSDM shtrojnë dilemën “se edhe sa kryetarë kriminelash ka VMRO-DPMNE-ja që mund të kishin vjedhur qytetarët?”

VMRO-DPMNE ka tashmë dy kryetarë komunash të cilët janë të gjykuar për qeverisje të pamatur dhe të papërgjegjshme, edhe një kryetar tjetër, Vlladimir Talevski është i dyshuar në një rast të Prokurorsië Speciale Publike për krim të bërë që kap vlerën e 360.000 eurove, para të qytetarëve. Pas saj, logjikisht shtrohet pyetja: Edhe sa kryetarë kriminel ka në radhët e VMRO-DPMNE-së? Edhe sa “sherif” lokal kanë vjedhur nga qytetrët dhe kush nga kryetarët e VMRO-DPMNE-së ka vjedhur më së shumti nga qytetarët dhe shteti?”, shkruan ndër të tjerash në kumtesën e LSDM-së.

Ata janë të bindur se qytetarët i njohin politikat e VMRO-DPMNE-së pasi që e dënuan në zgjedhje parlamantare, andaj ftojnë që të njëjtën ta bëjnë edhe në zgjedhje lokale.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP