​NASA ka plan të pabesueshëm për Marsin

Agjencia amerikane e hapësirës NASA planifikon të prodhojë oksigjen nga atmosfera e Marsit, kur roboti i ardhshëm në vitin 2020 të arrijë në “planetin e kuq”.

Shkencëtarët do të dërgojnë botën e gjallë mikroskopike, alga ose baktere në kuadër të misionit “Rover”, në tentim për të krijuar ajër të përshtatshëm për njerëzit, shkruan gazeta britanike “Independent”.

Ata dëshirojnë të ushqejnë mikro-organizmat në Mars, me shpresën se do të emetojnë oksigjen, i cili do të përdorej për frymëmarrje ose si karburant raketor për kthim në Tokë, transmeton KosovaPress.

Nëse eksperimenti rezulton i suksesshëm, ky do të ishte një hap i rëndësishëm drejt krijimit të kushteve për banim në Mars dhe vendosjen e kolonive njerëzore në të ardhmen.

Në atmosferën e Marsit ndodhet vetëm 0.13 për qind e oksigjenit në krahasim me 21 për qind sa është në Tokë.

Gazeta britanike shkruan se SHBA-të po planifikojnë që rreth Marsit të krijojnë një mbrojtje magnetike, ndërsa në vetë planetin e kuq të ndërtojnë një reaktor nuklear.

Hapi i parë do të ishte lansimi i stacionit lunar kozmik, i cili do të shërbente si pikënisje për mision drejt pjesës tjetër të Sistemit Diellor.

Në planet e veta për kolonizimin e Marsit, biznesmeni Ilon Mask ka thënë se çmimi më i lirë për person për një gjë të tillë do të ishte 10 miliardë dollarë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP