Qytetarët përsëri shfrytëzojnë kartona të kaltër pas skadimit të afatit të kartelave shëndetësore

Qytetarët përsëri shfrytëzojnë kartona të kaltër për mjekim dhe marrje të barnave që nga skadimi i afatit të kartelave shëndetësore prej pesë viteve, konfirmojnë për “Fokus” nga Fondi i Shëndetësisë, njofton Portalb.mk.

Kartonat e kaltër u hoqën nga përdorimi që para shtatë viteve, ndërsa qytetarët ishin të detyruar të nxjerrin kartela shëndetësore të cilat ish qeveria e udhëhequr nga VMRO-DPMNE-ja së pari në vitin 2011 i paralajmëroi si falas ndërsa më vonë çdo qytetarë nga xhepi i vet e ka paguar 250 denarë.

Para një viti nga Fondi i Shëndetësisë u dërgua email te të gjithë mjekët amë nga të cilët kërkohej që t’i njoftojnë të gjithë pacientët se duhet t’i nxjerrin kartelat e reja dhe për ta përsëri të paguajnë 250 denarë, me të cilat buxheti u shtua me rreth 8-të milionë euro.

Duke pasur parasysh atë se Fondi i Shëndetësisë ka drejtor të ri i cili është Den Donçev, sipas informatave të “Fokus” ai duhet të ketë takim me ministrin e Shëndetësisë Arben Taravarin që të vendosin se a do të vazhdohen më tej kartelat shëndetësore elektrike ose do të kthehen kartonat e kaltër.

Që nga fillimi kartelat elektrike ishin me skandale, nga firma që cila do t’i bëjë dhe me pagesën prej 250 denarë.