Zjarr i madh në ishullin grek të Qefalonisë
Zjarr i madh ka shpërthyer në ishullin e Qefalonisë, por falë pranisë së fuqishme të zjarrfikësve, zjarri nuk arriti që t’i përfshijë shtëpitë në afërsi. Megjithatë, fillon evakuimi i dy fshatrave, ndërsa turistët transportohen me autobusë, njoftoi botimi grek “Proto tema”.
Zjarret shkatërruan dy shtylla elektrike dhe për këtë arsye u paraqitën probleme gjatë furnizimit me energji elektrike.
Dy prej vatrave të zjarrit janë shuar, por të tjera janë përllogaritur si terren i vështirë dhe pritet që sot të shuhen me ndihmën e aeroplanëve.