VMRO-DPMNE la pas vetes infrastrukturë të mjerueshme

Qeveria e udhëhequr nga LSDM punon në zhvillimin dhe përmirësimin e infrastrukturës, VMRO-DPMNE la pas vetes infrastrukturë të mjerueshme, reagojnë nga LSDM

“Qeverisja e papërgjegjshme dhe e korruptuar 11 vjeçare e VMRO-DPMNE-së la pas vetes mjerim në infrastrukturë. Çdo i ashtuquajturi projekt i VMRO-DPMNE-së ishte simbol i krimit, i pamundësisë dhe korrupsionit, ndërsa lëshimet në seksionin e autostradës Demir Kapi-Smokvicë janë edhe një dëshmi për atë. Me tenderët kriminal, provizionet e dakorduara dhe lëshimet në ndërtimin e autostradave, VMRO-DPMNE ka sjellë dëme të mëdha ndaj qytetarëve dhe ndaj imazhit të Republikës së Maqedonisë”, shtojnë nga LSDM.

Sipas tyre, përkundër qasjes së tillë kriminale dhe korruptive ndaj infrastrukturës, Qeveria e udhëhequr nga LSDM në mënyrë aktive punon në sanimin e dëmeve nga qeverisja e VMRO-DPMNE-së dhe në zhvillim të infrastrukturës.

“Me nënshkrimin e Memorandumit për bashkëpunim në infrastrukturë në mes Maqedonisë dhe Bullgarisë, përmes sanimit të përgjithshëm të dëmeve të trashëguara dhe përmes grantit të fituar prej 70 milion eurosh për ndërtimin e hekurudhës drejt Bullgarisë, Qeveria e udhëhequr nga LSDM e kthen imazhin e dëmtuar të Republikës së Maqedonisë dhe punon në zhvillimin e saj, përmirësimin dhe modernizimin e infrastrukturës”, shtojnë nga LSDM.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP