Superkupa e Spanjës, “El Clasico” e parë ndez luftën

El Clasico e parë sezonale mes Realit të Madridit dhe Barcelonës do të rikthejë betejën e fortë në fushë dhe jashtë saj mes dy gjigantëve të futbollit iberik, transmeton Top Channel. 

Në Lojë është Superkupa e Spanjës dhe këtë të dielë në mbrëmje në impiantin Kamp Nou katalanasit do të kërkojnë të përfitojnë ndaj galaktikëve që e kanë nisur tashmë sezonin me trofe.

Trajneri i Barcelonës, Ernesto Valverde do të provojë për herë të parë atmosferën e një El Clasico si protagonist, pasi përballja para një muaji në Majemi mes katalanasve dhe Realit ishte vetëm një miqësore. Dy gjigantët nuk janë përballur që prej vitit 2012 në një kompeticion zyrtar, në kohën kur ishte Real asokohe që ngrinte trofeun.

Me Nejmar tashmë një kapitull i mbyllur në histori, klubi Blaugrana ka varfëri në repartin ofensiv.  Deulofeu dhe Pako Alkaser janë të vetmit që mund t’i bashkohen Mesi dhe Suarez në sulm, në një skemë 4-3-3 që trajneri do ta mbajë si paraardhësi i tij, Luis Enrike.

Në kampin tjetër Reali i Madridit vjen nga fitorja ndaj mancester Junaitid në Superkupën e Europës me optimizmin maksimal. por merenges do të duhet të bëjnë në fushë pa kroatin Luka Modric i cili është i pezulluar. Kjo i shton dilemat e trajnerit Zidan për zëvendësuesin, nëse do të jetë Kovacic apo blerja e re Dani Sebajos, ai që do të furnizojë me topa Ronaldon në repartin ofensiv.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI MOBIL