Iran, 12 të vdekur nga përmbytjet

Televizioni shtetëror iranian bëri të ditur se gjatë përmbytjeve, të cilat u shkaktuan nga reshjet e dendura të shiut, në verilindje të vendit kanë humbur jetën 12 persona, transmeton Anadolu Agency (AA).

Zëdhënësi i Agjencisë për katastrofa, Ali Bakhtiari, për televizionin iranian tha se numri i të vdekurve në përmbytjet në tre krahinat verilindore Golestan, Khorasan dhe Khorasan është rritur në 12 persona. Ai shtoi se së paku dy persona llogariten si të zhdukur.

Kryetari i Gjysmëhënës së Kuqe të Iranit, Mojtaba Ahmadi, theksoi se është vështirë të dihet numri i saktë i viktimave, meqë përmbytjet ndodhën gjatë fundjavës, kur shumë iranianë shkojnë në bregdetin e vendit.

Enti meteorologjik i Iranit njoftoi se pret që reshjet e shiut të zgjasin deri të premten e ardhshme.

Në muajin prill së paku 30 persona humbën jetën në përmbytjet në Azerbajxhan, që është në kufi me Iranin.

 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP