Siri, vriten shtatë vullnetarë të “Helmetave të bardha”

Shtatë vullnetarë të mbrojtjes civile siriane, të njohur si “Helmetët e bardhë”, janë vrarë të shtunën në veriperëndim të Sirisë, raporton Anadolu Agency (AA).

Hossam Halaq, zëdhënësi i mbrojtjes civile tha se disa sulmues të armatosur kryen sulm ndaj kampit të tyre në qytetin Sarmin në provincën Idlib.

“Sulmuesit vodhën dy autoambulanca, helmeta dhe pajisje komunikimi”, tha Halaq për AA.

Tani për tani asnjë organizatë nuk ka marrë përgjegjësinë për sulmin.

Mbrojtja civile siriane ose “Helmetat e bardhë” është aktive në rajonet nën kontroll të opozitës siriane.

Siria është përfshirë nga lufa civile që nga fillimi i vitit 2011, kur forcat e regjimit të presidentit Bashar Al-Asad ngulfatën protestat prodemokratike në mënyrë të ashpër. Që atëherë mijëra njerëz janë vrarë, ndërsa milliona janë shpërngulur.

 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP