Alinea 4 e shtuar në Kodin Zgjedhor në Marrëveshjen e Përzhinos e frenon shkarkimin e Zvërlevskit

Dispozita e nenit 8-të të Kodi Zgjedhor për të cilën VMRO-DPMNE-ja kërkon mendim nga Komisioni Shtetëror për Parandalimin e Korrupsionit në lidhje me diskutimin kuvendor për shkarkimin e prokurorit publik, Marko Zvërlevskit, ishte shtuar në Kodin Zgjedhor në pajtim me Marrëveshjen e Përzhinos që në vitin 2015-të e arriti LSDM-ja, VMRO-DPMNE-ja, PDSH-ja dhe BDI-ja si dalje nga kriza politike, njofton Portalb.mk.

Deputetët e partisë opozitare konsiderojnë se seanca e Kuvendit në të cilën po diskutohet për shkarkimin e Zvërlevskit që filloi me 5 korrik dhe që akoma është në rrjedhë është në kundërshtim me nenin 8-të, paragrafi 1, alinea 4 të Kodit Zgjedhor, sipas të cilit “nga dita e miratimit të vendimit për shpalljen e zgjedhjeve nuk mund të fillohet me procedurën për punësimin e personave të rinj ose procedurë për ndalesë të marrëdhënies së punës në institucione shtetërore dhe publike dhe njëkohësisht procedurat e filluara të vihen në pezullim, përveç rasteve urgjente”.

Dispozita ishte pjesë e paketës ndryshime dhe plotësime të Kodit Zgjedhor që Kuvendi e miratoi në nëntor të vitit 2015 që kanë dalë nga obligimet e Marrëveshjes së Përzhinos.

Izboren zakonik

Ndryshimet në Kodin Zgjedhor kanë qenë edhe njëra nga kërkesat e LSDM-së si opozitë e atëhershme, ndërsa si bazë kanë marrë rekomandime nga raporti i OSBE/ODIHR për zgjedhjet e parakohshme parlamentare dhe presidenciale që u mbajtën në vitin 2014-të.

Ndryshe, neni 8-të para zgjedhjeve të kaluara parlamentare disa herë është gjendur në Komisionin e Anti korrupsionit. LSDM-ja atëherë paraqiti disa ankesa nga komisioni që ka të bëjë me shkeljen e këtij ligji nga Kodi Zgjedhor, gjegjësisht për punësime joligjore në institucionet shtetërore dhe ndërmarrje në periudhën para zgjedhore ndërsa Komisioni për Parandalimin e Korrupsionit i ka refuzuar të gjitha si të pabaza.

Komisioni Shtetëror për Parandalimin e Korrupsionit para zgjedhjeve e ka shqyrtuar dhe e ka pranuar ankesën e zëvendësministrit plotësues për Punë të Brendshme, Oliver Adonov (i emëruar sipas propozimit të VMRO-DPMNE-së) kundër Oliver Spasovskit i cili ishte ministër i Punëve të Brendshme në qeverinë teknike për zbatimin e zgjedhjeve.

Arsyetimi që u pranua nga shumica e anëtarëve të komisionit ishte se ekziston dyshim i krijuar se Spasovski e ka shkelur nenin 8-të të Kodit Zgjedhor që ka bërë ndryshime në MPB, pas shpalljes së vendimit për zgjedhjet e parakohshme parlamentare. Komisioni atëherë kërkoi nga Prokuroria Themelore Publike të fillojë hetim për rasti.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI DESKTOP