VMRO-DPMNE-ja parashtroi interpelancë për ministrin e Financave Dragan Tevdovski

Grupi i deputetëve të VMRO-DPMNE-së sot në Kuvend parashtroi interpelancë për punën e ministrit të Financave Dragan Tevdovski.

“Si arsye kyçe për parashtrimin e Interpelancës për punën e Tevdovskit e potencojmë ribalancin e plotë joefektiv të Buxhetit për vitin 2017, zvogëlim të dukshëm të shpenzimeve kapitale, huamarrja e përforcuar dhe e pabazë e qytetarëve në tregun vendor, rritje e vlerës së paraparë për huamarrje në tregjet financiare ndërkombëtare, mosrespektim i përfaqësuesve popullorë në Kuvendin e Republikës së Maqedonisë dhe manipulim me të dhënat ekonomike, parametra dhe indikatorë”, deklaroi deputetja Liljana Kuzmanovska nga VMRO-DPMNE-ja.

Sipas Kuzmanovska, Tevdovski nuk e ka arsyetuar besimin e dhënë nga Kuvendi. Vetëm është kujdesur për sigurimin e mjeteve me të cilat, siç tha Kuzmanovska, me të madhe zbatohen punësimet partiake në institucionet shtetërore dhe publike ndërsa nevojat e qytetarëve aspak nuk shqyrtohen.

“Për shkak të mosdijes të demonstruar dhe paaftësisë që ta kryejë këtë funksion konsiderojmë se është e nevojshme që sa më shpejtë Dragan Tevdovski të largohet nga funksioni i ministrit të Financave dhe në vendin e tij të vijë një ministër i aftë i cili nuk do të bëjë gabime katastrofike në punë”, tha Kuzmanovska

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP