Në Kosovë janë arrestuar 11 serbë dhe rusë për kalim ilegal të kufirit

Policia e Kosovës

Policia e Kosovës

Policia e Kosovës mbrëmë informoi se ka arrestuar 11 persona, shtetas të Serbisë dhe Rusisë, nën akuzën për kalim ilegal të kufirit të Kosovës.

Informacioni është siguruar në rrugë operative, e sipas tij, në lagjen “Sekiraqa” të fshatit Metergof të Podujevës do të hynin në mënyrë të paligjshme shtetasit serbë e rusë.

Pas angazhimit dhe masave të marra nga policia, me nxjerrjen e ekipeve patrulluese të kufirit, rreth orës 13:45 janë pikasur dy automjete me targa të Serbisë shumë pranë kufirit. Gjatë kontrollit të tyre, automjete tip Mercedes, janë ndaluar 11 shtetasit e identifikuar vetëm me iniciale dhe vitin e lindjes. Mes tyre janë 5 meshkuj (3 serbë e dy rusë) dhe 6 femra (dy serbe dhe 4 ruse), më i vogli prej tyre 15 vjeç (2002) dhe më i madhi 51 vjeç (1966).

Ata janë dërguar në stacionin policor të Policisë Kufitare, ku janë marrë në pyetje dhe ka vijuar procedura e mëtejshme siç parashikohet në ligj. Mbi këtë zhvillim janë njoftuar edhe prokurori kujdestar i shtetit, Oda e avokatëve të Kosovës, si dhe zyra ndërlidhëse ruse në Republikën e Kosovës. 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI DESKTOP