‘Diana, nëna jonë’, ‘mbytje emocionesh’ pas transmetimit të dokumentarit mbi jetën e Princeshës
Rrëfimet e sinqerta të Princ William dhe Harry në rrugëtimin e tyre për të përballuar jetën pas vdekjes së nënës së tyre, çuan në një shpërthim emocionesh nga shikuesit natën e kaluar.
Miliona qytetarë u “gozhduan” përpara ITV për të parë rrëfimin e vëllezërve që folën për boshllëkun e mbetur në jetë, teksa arritën të rriten pa praninë e një nëne.
Dokumentari për Dianën jo në rolin e princeshës por si një nënë, ‘kapi majat’ e shkikueshmërisë pasi fliste për marrëdhënien që Diana kishte me dy fëmijët e saj edhe pas ndarjes nga Princi Charles, për miqtë e sajpërfshirë edhe Elton John dhe kujtimet e përbashkëta që kishin vëllezërit për 20- vjetorit të vdekjes së saj.
Në dokumentarin e ITV, princat folën me sinqeritet dhe për telefonatën e fundit me të, e cila u kishte mbetur peng gjithë jetën.
Emocione të pafundme u shkaktuan tek shikuesit që shikuan pamje dhe foto të Dianës që nuk ishin publikuar kurrë më parë, teksa dukej që ajo ishte përpjekur shumë që t’u jepte fëmijëve të saj një ‘fëmijëri normale’.
Edhe figura të njohura të ekranit, kanë qendruar mbrëmjen e djeshme të mbërthyer pas ekranit, dhe në përfundim të dokumentarit kanë reaguar me disa postime në Twitter.
“Një mbytje emocionale”, shkruan prezantuesi i njohur Fearne Pambuk.
“Mendoj si Princ William dhe Harry: Një nënë e bukur brenda dhe jashtë”, shkruan supermodelja Naomi Campbell.
“Kurrë nuk kam takuar një grua më pasionante, joshëse, komplese se ajo. E dua”, shkruan Piers Morgan.
Dokumentari i ITV është hera e parë dhe e fundit që dy princat flasin për nënën e tyre në një rrëfim kaq prekës.
