Kicker: “Filip Lam, futbollist i vitit në Gjermani”
Filip Lam është shpallur “Lojtari i vitit” në Gjermani për vitin 2017. Ish-kapiteni i Bajernit, i cili para dy muajsh u largua përfundimisht nga futbolli si kampion i Bundesligës, mori 242 vota në zgjedhjet e organizuara nga revista “Kicker”.
Lojtari i dytë më i votuar është mesfushori i Real Madridit, Toni Kros, i cili sezonin e kaluar fitoi kampionatin spanjolll dhe Ligën e Kampionëve (192 vota). Ndërkaq, vendi i tretë i ka shkuar golashënuesit më të mirë të Bundesligës, Pier Emerik Aubamejang (120 vota), i Borussia Dortmund-it.
