Rusia thotë se po bisedon me SHBA-në për sigurinë kibernetike

Moska dhe Uashingtoni janë në negociata për të krijuar një grup të përbashkët pune për sigurinë kibernetike, tha Andrei Krutskikh, përfaqësues special i presidentit rus, Vladimir Putin, për sigurinë kibernetike, shkruan REL.

“Bisedimet janë në zhvillim e sipër. Po shkëmbehen propozime të ndryshme. Askush nuk e mohon nevojën e bisedimeve dhe kontakteve të tilla”, tha Krutskikh për mediat ruse.

Presidenti i Shteteve të Bashkuara, Donald Trump, ka thënë se ka diskutuar idenë e bashkëpunimit me presidentin rus, Vladimir Putin, gjatë takimit që kanë pasur më 7 korrik.

Por, liderët e Kongresit amerikan e kanë kritikuar planin për bashkëpunim, për shkak të ndëryrjes së dyshuar të Rusisë në zgjedhjet presidenciale në SHBA, vitin e kaluar.

Trump më pas është tërhequr, duke thënë se fakti që ka diskutuar me Putinin për një njësi të sigurisë kibernetike, nuk do të thotë se ajo do të krijohet.

Lajme të ngjashme

Leave a Reply

Your email address will not be published. Required fields are marked *

Back to top button