Rolling Stone shkruan për Dua Lipan: Vajza nga Kosova e cila u bë yll botëror

Pas “New York Times”, mediat e huaja nuk ndalen duke shkruar Dua Lipën.

Së fundmi edhe revista amerikane “Rolling Stone” i ka kushtuar një artikull të veçantë Dua Lipës për karrierën dhe për historinë e saj si një emigrante, transmeton arbresh.info.

“Pas jetesës në Kosovë dhe përfundimit të një lidhje të keqe, Dua Lipa është e gatshme të kërkojë vendin e saj si një mbretëreshë me zemër të ‘thyer’ keq. Balada e saj “Scared to Be Lonely” ka befasuar 300 milionë fansa në Spotify dhe në qershor, ka debutuar albumi i saj i parë në Top 10 në disa vende.” shkruan Rolling Stone.

Dua pushton çdo skenë…

Në këtë artikull gjithashtu rrëfehet historia e largimit të prindërve të Duas nga Kosova dhe si arriti Dua të jetë aty ku është sot.

“Lipa u rrit si vajza e emigrantëve shqiptar të cilët ishin larguar nga Kosova në vitet e 90-ta të trazuara politikisht. Prindërit e saj kishin ëndërruar gjithmonë të ktheheshin në Kosovë dhe në kohën kur u shpall pavarësia, ata e bënë. Në moshën 15 vjeçe, ajo arriti t’i bindë prindërit e saj dhe të kthehen në Londër” shkruan Rolling Stone, transmeton ‘21media’.

Hiti i saj i madh mbetet “Scared to be Lonely” me Martin Garrix.

Ndër të tjera, shkruhet edhe për regjistrimin e saj në shkollën e famshme të Teatrit Sylvia Young dhe si arriti të bashkëpunojë me emra të mëdhenj botëror.

E për suksesin e albumit të fundit, Dua ishte deklaruar kështu për këtë revistë “Është e papërshkrueshme dhe me të vërtetë emocionuese”.

Për albumin, Lipa ka bashkëpunuar me artistë të mëdhenj si Nineteen85, Chris Martin, nga grupi i saj i preferuar, Coldplay, pasi i dërgoi atij një email dhe me të cilin kanë bashkëpunuar për projektin “Homesick”.

 

Lajme të ngjashme

Leave a Reply

Your email address will not be published. Required fields are marked *

Back to top button