Takim për rekomandimet e GREKO-s në Ministrinë e Drejtësisë

Në Ministrinë e Drejtësisë sot u realizua takim koordinues lidhur me realizimin e rekomandimeve të Grupit të Vendeve Kundër Korrupsionit – GREKO të Këshillit të Evropës të Raundit të Katërt të vlerësimit, në temën: “Ndalimi i korrupsionit tek anëtarët e Kuvendit, gjyqtarët dhe prokurorët publik”, transmeton MIA.

Takimin e udhëhoqi ministri i Drejtësisë, Bilen Saliji.  Në takim  morën  pjesë  Aneta Arnaudovska, shefe e Delegacionit  të RM-së në GREKO, Kryetari i Këshillit Gjyqësor, Kryetari i Shoqatës  së Prokurorëve  Publik, Kryetari i Komisionit  Shtetëror për Parandalimin  e Korrupsionit, përfaqësues i Kuvendit të RM-së dhe përfaqësues të sektorëve kompetent  të Ministrisë së Drejtësisë.

Pjesëmarrësit në takim  informuan për aktivitetet e ndërmarra  për realizimin e mëtutjeshëm të rekomandimeve për të cilat GREKO, në Raportin e Parë për harmonizim për Republikën e Maqedonisë – Raundi i Katërt, konkludoi  se nuk janë realizuar  ose janë pjesërisht të realizuara. Duke pasur parasysh faktin  se GREKO,  me  raportin e lartë cekur,  ka caktuar 31 janarin të 2018-ës si afat të fundit për realizimin  e rekomandimeve, janë shkëmbyer edhe informacione  për gjendjen  dhe planet  e institucioneve  në periudhën e ardhshme në këtë drejtim.

Ministri i Drejtësisë, Bilen Saliji, ceku  angazhimin e tij   për realizimin e rekomandimeve të këtij trupi  të cilat janë në domenin  e Ministrisë së Drejtësisë dhe potencoi se të njëjtat veç më janë të parashikuara në programin për punë  të institucionit. Njëkohësisht u bën  thirrje  edhe institucioneve  tjera kompetente të ndërmarrin  masa me qëllim  të realizimit të rekomandimeve që janë në kompetencën e tyre  në kuadër të afatit të parashikuar.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP