Filloi projekti për rregullimin e shtratit të lumit të Likovës

Në Kumanovë sot u shënua fillimi i projektit për rregullimin e shtratit të Lumit të Likovës.

Duraki tha se njëra ndër prioritetet kryesore të komunës së Kumanovës është zvogëlimi i rrezikut nga përmbytjet.

“Zvogëlimi i rrezikut nga përmbytjet është njëra ndër prioritetet kryesore në komunën e Kumanovës. Për këtë arsye Ministria e Mjedisit Jetësor dhe Planifikimit Hapësinor, së bashku me Programin për Zhvillim të Kombeve të Bashkuara dhe Qeverinë japoneze investuan në rregullimin e shtratit të lumit të Likovës, me çka sigurohet mbrojtje e menjëhershme dhe afat-gjate e shumë banorëve të cilët jetojnë në këtë pjesë të qytetit”,  theksoi ministri i Mjedisit Jetësor dhe Planifikimit Hapësinor Sadulla Duraki.

Дураки -Ликово

Me fazën e parë të projektit do të kryhet rregullimi i shtratit të lumit në gjatësi prej 400 metrave. Në periudhën e ardhshme, me ndihmën e UNDP-së dhe komunës së Kumanovës do të përpiqemi të sigurojmë mjete financiare për rregullimin e tërë të lumit të Likovës në gjatësi prej 1.8 kilometra.

Vlera e përgjithshme e investimeve të projektit është mbi 800.000 euro. Një pjesë e mjeteve me vlerë totale prej 200 mijë euro janë siguruar nga Buxheti i Ministrisë së Mjedisit Jetësor dhe Planifikimit Hapësinor, e pjesa tjetër nga Komuna e Kumanovës, Qeveria e Japonisë dhe Programi për Zhvillim i Kombeve të Bashkuara (UNDP). Sipas vlerësimeve të ekspertëve, pritet që ky investim të rezultojë me fitime mesatare prej rreth 350 mijë euro në nivel vjetor si rezultat i shmangies së dëmtimit nga përmbytjet.

Në këtë ngjarje fjalime të tyre mbajtën edhe kryetari i komunës së Kumanovës Zoran Damjanovski, përfaqësuesja e përhershme e UNDP-së Luiza Vinton dhe ambasadorja e Japonisë Keiko Haneda.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP