Pribe me ekspertët sërish në Shkup, realizuan takim me Vangellovskin

Kryetari i Gjykatës Supreme, Jovo Vangellovski, ka realizuar takim me grupin ekspertëve të lartë për çështje sistematike për sundim të ligjit, i udhëhequr nga Rajnhard Pribe, njofton Portalb.mk.

“Në takim është diskutuar për gjendjen aktuale të gjyqësorit dhe propozim-masat për zbatimin e reformave në gjyqësor të përgatitura nga ana e kryetarit të Gjykatës Supreme, Vangellovski, me qëllim të realizimit të konceptit gjyqësi të pavarur dhe të paanshme, si garanci e demokracisë dhe sundimit të ligjit, në funksion të mbrojtjes së lirive dhe të drejtave të njeriut”, thuhet në kumtesën e Gjykatës Supreme.

Ndryshe, ekipi i ekspertëve i kryesuar nga Pribe prej sot deri më 21 korrik do të qëndrojë në Republikën e Maqedonisë, si vazhdim i takimeve që i pati më 27 qershor në Shkup me përfaqësues të pushtetit, opozitës dhe gjyqësisë.

Ekipi do të bëjë kontroll të rekomandimeve nga viti 2015 dhe do ta këshillojnë Qeverinë e re për më shumë çështje të theksuara nga sfera e qeverisjes së të drejtës.

Pribe do t’ua kumtojë idenë e tij përfaqësuesve qeveritarë pasi ekipi i tij i ekspertëve këtij muaji do të bëjë analizë për atë që deri tani është realizuar.

Pribe e ka riafirmuar gatishmërinë e ekipit të ekspertëve që t’i ndihmojë Maqedonisë për tejkalimin e mangësive të theksuara në disa sfera të rëndësishme, të cilat kanë të bëjnë me qeverisjen e së drejtës, lirinë e mediave dhe pavarësinë e trupave rregullatorë. Pribe e theksoi nevojën nga angazhimi i përforcuar dhe mobilizimi i institucioneve relevante në vend për zbatimin e rekomandimeve nga Raporti dhe Prioritetet urgjente reformuese.

LEXO: Pribe me ekspertët i gatshëm ta ndihmojë Maqedoninë në zbatimin e reformave prioritare

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP