Osmani nesër në Bruksel në takim Këshillin për Stabilizim dhe Asociim

Zëvendëskryetari i Qeverisë së Republikës së Maqedonisë, Bujar Osmani nesër në Bruksel do të marrë pjesë në mbledhjen e trembëdhjetë të Këshillit për Stabilizim dhe Asociim (KSA), me të cilën do të kryesojë ministri i Punëve të Jashtme të Republikës së Maqedonisë, Nikolla Dimitrov, ndërkaq do të bashkëkryesojë përfaqësuesja e lartë dhe nënkryetare e Komisionit Evropian, Frederika Mogerini.

Në takim, si përfaqësues i Komisionit Evropian, do të marrë pjesë edhe komisioneri për zgjerim dhe politikë fqinjësore, Johanes Han.

Zëvendëskryeministri Osmani, pritet ta elaborojë Planin 3-6-9, përbërjen e tij, zbatimin e tij dhe efektet e pritura, si dhe t’i përsërisë angazhimet e Republikës së Maqedonisë për mbylljen e gjitha çështjeve politike dhe heqjen e gjitha pengesave për riaktivizimin e procesit eurointegrues. Do të kërkohet edhe mbështetje konkrete për reformat, si dhe mbështetje për sigurimin e hapave konkrete nga ana e Bashkimit Evropian të cilat më qartë do ta reflektonin dukshmërinë e perspektivës Evropiane të Maqedonisë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP